Harper Lee e Truman Capote eran amigos desde a infancia. Nos anos 60 os dous eran escritores de éxito cando viaxaron a Kansas para investigar un crime real. O resultado desa investigación foi o famoso libro de Truman Capote “A sangue frío”. Anos despois, cando Harper Lee buscaba un suceso real para escribir o seu propio “A sangue frío”, apareceu ante ela a historia dun reverendo de Alabama que era un asasino en serie.
Unha película que parece realidade. Unha realidade que parece ficción. Mentres Roberto Rosellini e Ingrid Bergman rodaban 'Stromboli', detrás das cámaras entraba en erupción un verdadeiro volcán.
Un dos xornalistas que destapou o escándalo Harvey Weinstein viviu na súa familia un caso de abusos sexuais que quedou sen xulgar. Falamos de Ronan Farrow, fillo de Mia Farrow e Woody Allen.
Neste capítulo coñecemos a historia de El Encanto, uns grandes almacéns que converteron La Habana no París americano da primeira metade do século XX. El Encanto foi tamén a orixe dos grandes almacéns que existen en España na actualidade.
Estocolmo non só é a capital de Suecia, é tamén o nome dunha síndrome pero, por que se lle chama así? Neste capítulo afondamos na orixe da síndrome de Estocolmo e repasamos varios casos coñecidos
A protagonista é Gene Tierney, a muller máis bela da historia do cine. A muller á que un bico lle cambiou a vida. Este bico foi o inicio dunha traxedia que inspiraría á mesmísima Agatha Christie unha das súas novelas.
En Superando a ficción demóstrase que non é necesaria a imaxinación para dar con argumentos dignos de película. A realidade sempre é máis impactante que calquera historia que se invente. Aquí arrinca esta aventura de Cristina García: historias reais que parecen argumentos de ficción.
-optimized.webp)
-optimized.webp)
-optimized.webp)
-optimized.webp)
O distrito de Aveiro en canto ao turismo parece que vive dos resto que lle deixa o Porto. Con todo é unha das provincias portuguesas con maiores atractivos. Neste capítulo de "Pasarse da raia" visitamos o distrito da auga e coñecemos de preto unha das construcións máis importantes do Porto: as casas dos burgueses e como deron en crear unha das figuras urbanísticas máis terribles, as ilhas. Todo acompañado da música de "Os azeitonas". Vamos lá!
Tes unha idea emprendedora pero non sabes como arrincar? Gustaríache montar unha startup pero cóstache dar o paso? Estrenamos o primeiro podcast de emprendemento en galego no que entrevistaremos a persoas ligadas á comunidade emprendedora galega e falaremos de éxitos e tamén de fracasos da man de Víctor Fariña e Startup Galicia
Como facemos para darlle vida ás nosas ideas? Hoxe falaremos con David Conde, CEO e cofundador de Coinscrap, que ademáis de ter ideas, levounas a cabo de xeito exitoso. David é biólogo de formación cunha longa traxectoria en banca privada, sector no que desenvolve as súas iniciativas emprendedoras aplicando tecnoloxía, o que se coñece como "fintech”.
Baixo o concepto de marketing se agochan todas as estratexias dunha compañía para levar os seus produtos e servizos ao mercado. Nesta edición do podcast de Startup Galicia entrevistamos a Dani Cerqueiro, CMO de DOCUTEN ligado ao emprendemento e ao marketing dixital dende fai máis de 18 anos. Con el debatiremos sobre como coñecer aos teus clientes, que canles de distribución poden ser as apropiadas para chegar a eles e da importancia dos contidos nesta era de sobreinformación.
Sen financiamento dalgún tipo é moi difícil sacar adiante un proxecto emprendedor. Neste novo capítulo do podcast de Startup Galicia falaremos dunha das vías de financiamento privadas máis mediáticas: o capital risco. Para iso, contaremos coa colaboración do investidor compostelán Jaime Novoa, membro do fondo de capital risco K-Fund.
Neste capítulo do podcast de Startup Galicia falaremos de como facer powerpoints bonitiños que nos axuden a convencer aos investidores para que financien a nosa startup. Contaremos co compostelán Dani Seijo, emprendedor en serie cunha longa traxectoria montando proxectos como Diariomotor, Civeta Investment ou Fuell. Con Dani falaremos da importancia do equipo, das métricas que temos que manexar ou das estratexias a seguir para namorar aos investidores.
Daquela, cando Galicia e Portugal non compartían rúas e o troco era unha moeda tan forte coma escudo, as realidades das que agora son eurocidades eran moi diferentes entre elas. Unha das diferenzas radica no xeito tan desigual que tiñan de vivir o contrabando. Despois de escoitar falar do orgullo do contrabandista de Feces, Marcial Gayoso e Antonio Fonterosa, de 86 anos os dous, acompáñannos da man cruzando o Miño para achegarnos como se vivía en Amorín, concello de Tomiño, nunha época na que, como din eles, nin as galiñas poñían ovos.
Unha parella de espías rusos vive camuflada na sociedade norteamericana. Unha familia idílica formada por un matrimonio con dous fillos. Durante anos ocultaron a súa verdadeira identidade e enganaron a todo o mundo, incluídos os seus propios fillos.