Top 10 Cultura

O Barroquista abre as portas dun espazo único: o pazo de Tor, en Monforte.

San Simón, o Palexco, o Mar de Vigo, Acuario de Vilagarcía…. O Barroquista repasou a longa traxectoria de César Portela, distinguido polo Colexio de Arquitectos de Galicia.

Fernando Castro Paredes, asturiano residente en Cee, deuse a coñecer nos últimos anos no ámbito da dramaturxia gañando os Premios Rafael Dieste ou o I Certame de Textos Teatrais Roberto Vidal Bolaño para público adolescente. Pero Fernando Castro xa tiña navegado no teatro no ámbito do teatro escolar e afeccionado. Agora falamos das súas últimas pezas premiadas e editadas, 'Amorodo Agre' (Deputación da Coruña) e 'A derradeira bala' (Editorial Galaxia). Dous estilos moi diferentes, dous tons opostos, dúas mostras da versatilidade dun autor que sabe moverse da comedia farsesca e absurda ao drama social con profundidade simbolista e cáustico. Un comentario de Roberto Pascual.

Alba Cid afonda en 'Gramo Stendhal' (Apiario), o poemario individual de María Lado.

Armando Requeixo ap`roxímanos á lectura de 'O baile', a coñecida novela de Irène Némirovsky que acaba de ser traducida ao galego por Moisés Barcia para a Editorial Rinoceronte. 'O baile' mergúllanos no fastoso París de comezos do século XX da man de Antoinette, a filla dos adiñeirados señores Kampf, unha moza á que súa nai humilla tratándoa de xeito asoballador e seu pai simplemente obvia. Nese contexto tan pouco edificante, Antoinette, ferida no máis fondo do ser, tratará de se vingar. Escrita cun estilo moi depurado, de traballada sinxeleza, esta novela breve é todo un clásico da escrita europea do seu tempo que, por fortuna, podemos ler xa na nosa lingua.

Co gallo do Día das Letras Galegas, Armando Requeixo fai un repaso polas publicacións aparecidas arredor da figura de Xela Arias, a autora á que no 2021 se lle dedica a efeméride. Entre os libros consagrados á escritora homenaxeada cóntanse reedicións dos seus poemarios, antoloxías dos seus versos, a exhumación dalgunha obra inédita e diversos ensaios que analizan a súa biobibliografía. Poeta e tradutora, editora e profesora, ocasional narradora e articulista, a figura de Xela Arias constitúe unha referencia fundamental da literatura galega das últimas décadas, o que espellan todas estas publicacións xurdidas ao abeiro da celebración do 17 de maio a ela dedicado.

Beli Martínez fala da relación entre fotografía e cinema a través de documentais que retratan a fotógrafos e amosan a súa forma de entender o seu traballo: José Gil, fotógrafo e pioneiro do cine, de Miguel A. Romero; Virxilio Viéitez, más allá del oficio, de José Luis López Linares ou Alberto García-Alix. La línea de sombra, de Nico Combarro.

Beli Martínez escolma películas galegas recentes que se desenvolven durante o verán, como ‘Pradolongo’, ‘A estación violenta’, ‘As altas presións’ ou ‘Live is life’.

Rosario Sarmiento lévanos a descubrir as obras en espazos públicos que asina a escultora e ceramista Elena Colmeiro.