Morra O Conto: As “fat funny girls”, os pantalóns de tiro baixo nos 2000 ou como nos venderon que Bridget Jones estaba gorda con 59 kg. Unha crítica á representación dos corpos femininos en pantalla a través de ‘Skins’, ‘Raven’, ‘Girls’, ‘Euphoria’ ou ‘My Mad Fat Diary’.
Ese máxico momento no que creces e te das conta de que non eres tan única e alternativa como querías ser. Non somos folerpas únicas e máxicas, a defensa do ‘mainstream’ e o cese do ‘gatekeeping’ a través de ‘Lady Bird’, ‘O Club da Loita’ ou Carolina Durante.
Non todo é o amor romántico e tóxico que nos venderon de pequenas. A construción da nosa identidade, a reconcepción do final feliz e o fin das películas Disney a través de ‘Bojack Horseman’, ‘Historia dun Matrimonio’ e Rosalía.
Tonhito de Poi tráenos o peor veciño do mundo. O Poigrama, os mércores no 'Galicia por diante'.
Gatos e premonicións. Na cabeza de Tonhito de Poi o tema soaba moi ben. Esta semana, no #Poigrama.
De cando un saúdo estragou un récord de corte de xamón e a Policía protexeu un moteiro da labazada da súa propia nai. O #Poigrama de Tonhito de Poi, no 'Galicia por diante'.
É a quenda dos lobos, uns descoñecidos produto de grandes medos nos seres humanos, pero que tamén teñen beneficios.
Ano tras ano, ao final do verán é habitual que pasen polas costas galegas candorcas. No 2017 facíase viral o video dos mariñeiros do Romina. Avistaran candorcas na ría de Muros. Analizamos o paso chamativo este ano das candorcas pola costa. Da man da colaboradora Xiana Albor conversamos con Alfredo López, biólogo da Coordinadora para o Estudo de Mamíferos Mariños (CEMMA).
Os servizos de Salvamento Marítimo coñecémolos esencialmente por tratar de salvar vidas. Pero dende os avións tamén vixían mares para previr e loitar contra a contaminación mariña. O principal perigo nestes momentos son os plásticos. Como detectalos dende o aire? Da man de Xiana Albor conversamos con Berta Blanco, técnica superior do Servizo de Inspección Aérea de Salvamento Marítimo.