Poesía

Alba Cid afonda en 'Gramo Stendhal' (Apiario), o poemario individual de María Lado.

'Nenas medrando’, de Silvia García, e editado por Chan da pólvora, é un álbum fotográfico onde a súa voz se funde coa memoria allea para construír un libro arredor da conciencia do corpo, das sensacións, dos procesos de maduración e mesmo dos recordos que aparecen cando asistimos como nais ao crecemento dunha nena. Un comentario da nosa colaboradora Alba Cid.

Alba Cid comenta ‘Poesía (modelo para romper)’, de Amauta Castro. Un auténtico libro obxecto con 72 poemas a modo de instrucións.

No comentario de Alba Cid sobre poesía: Anxo Angueira publicou 'O valo de Manselle' hai 25 anos. Uns poemas que agora recuperan desde Apiario na súa colección Cera Labrada.

Alba Cid achéganos o variopinto universo poético de María Lado e Lucía Aldao, o dúo Aldaolado, a través do seu poemario ‘Ninguén morreu de ler poesía’.

A editorial Kalandraka publica de xeito póstumo os últimos versos do poeta Manuel Álvarez Torneiro, ‘Clave de Bóveda’. A esta obra achéganos a nosa colaboradora Alba Cid.

Alba Cid achéganos na súa colaboración do Diario Cultural o novo poemario de Oriana Méndez, ‘Interna’, que vén de aparecer na colección Arte de Trobar. En palabras de Alba: “O libro propón transitar algo que se desmantela, un lugar do equívoco, e facelo coma un internamento”.

Rinoceronte Editora publica a única tradución ao galego da poeta xaponesa Chika Sagawa nunha edición limitada con escolma de Alba Doval. Un comentario de Alba Cid.

A nosa colaboradora Alba Cid chega ao Diario Cultural co novo poemario de Daniel Salgado: ‘Os paxaros e outros poemas’, editado por Xerais.

‘Libro para a casa dos avós de Noelia de Alperiz’. Dentro deste sorprendente título atopamos un poemario autoeditado de Celso Fernández Sanmartín, que ten como finalidade axudar á restauración desta casa. Queres saber máis? Escoita á nosa colaboradora Alba Cid.

Alba Cid achéganos aos 'Cantares gallegos' de Rosalía de Castro a través dunha ollada diferente.

A nosa colaboradora de poesía, Alba Cid, fálanos de ‘Xela Arias, palabra á intemperie’: A través dunha conversa a tres bandas, Emma Pedreira e Laura Romero preséntannos a Xela Arias, poeta, tradutora, docente, letrista e, sobre todo, muller transgresora. Poemas a dúas voces, colaxes e ilustracións para recuperar e coñecer a figura dunha das nosas voces máis interesantes e, se cadra, máis descoñecidas da literatura.

Na súa colaboración, Alba Cid preséntanos o novo libro de Xerardo Quintiá. ‘Obra inacabada de Dosinda Christensen’ (Alvarellos), premio de poesía do Concello de Vilalba.

'A mensaxe entre as sombras. Obra poética de Isaac Díaz Pardo', publicado por Xerais con edición de Esperanza Luz Mariño, é a obra que desta volta comenta Alba Cid. O pintor, ceramista e deseñador foi tamén poeta e escritor, e agora este volume recolle todo o seu traballo poético, disperso en revistas e outras publicacións.

Alba Cid achéganos á lectura de ‘Mamá pelicano‘, de Alicia Fernández, premio Fiz Vergara de poesía.

‘Dunha costela rota’ é o poemario que desta volta nos presenta Alba Cid. Unha tradución de Lucía Novas do libro da irlandesa Annemarie Ní Churreáin. Unha edición bilingüe de Urutau editora.

Sara Plaza Moreno acadou o XXXIII Premio Nacional de Poesía Xosemaría Pérez Parallé co libro ‘Todos os pasos fan ruído’. Sara, nada na serra de Madrid, é mestra de formación, tradutora e revisora de textos. Aprendeu galego pola súa conta, preocupada pola situación social e lingüística galega. Sobre ela e a súa poesía fálanos Alba Cid.

Alba Cid reflexiona arredor da poesía de Isidro Novo con motivo da publicación da súa ‘Poesía galega reunida (1991-2017)’ na colección de Clásicos das Letras Galegas da editorial Galaxia. J. L. Calvo Vidal e Yago Rodríguez Yáñez foron os encargados de recompilar os seus poemas para esta celebración do que califican como un ‘outsider’, “arriscado, ás veces esquecido no relato oficial”.

Xa podemos ler a autora navarra Castillo Suárez en galego. O seu libro ‘Permanencia’ vén de ser traducido do éuskaro por Isaac Xubín na editorial Vento Alto. Cóntanos máis sobre o seu traballo Alba Cid.

‘Que hostia din os rumorosos?’ é o regreso á poesía e ao combate do grupo Rompente. Cóntanolo a nosa colaboradora Alba Cid.

Alba Cid comenta ‘Palmeiras, piueiros’ de Anxo Angueira, editado en Chan da Pólvora, e que representa o regreso dun silencio poético longo. Angueira é tamén narrador e investigador, presidente da Fundación Rosalía de Castro, e aquí preséntanos un díptico entre a palmeira, que ten o don da visión e da memoria; e o piueiro, termo recuperado polos mariñeiros da Guarda, que son as primeiras pedras ou “pandullos” que encabezan o fondeo dalgunhas redes. O volume péchase con varias contornas relevantes: unha autopoética asinada polo propio Anxo Angueira, unhas notas de lectura asinadas por Chus Pato e unha entrevista de man de Xabier Cordal.

Alba Cid comenta a obra de Konstandinos Kavafis, un dos referentes da literatura grega contemporánea, a partir da nova tradución ao galego que publica Aira Editorial. ‘Poesía completa anotada’ é un traballo de Miguel A. Areses Martín, co que descubrimos a este creador tan singular, o “historiador poeta”.

Alba Cid fálanos de Un terror de auga fría, a primeira “Escolma da poesía galega do medo” a cargo de Xosé María Álvarez Cáccamo. Do Rexurdimento con Rosalía de Castro ata os nosos días con Antón Avilés de Taramancos ou Celia Parra; nesta escolma, de máis de 40 poetas, encontramos composicións ben coñecidas, case simbólicas, que repasan medos de dimensións trascendental, medos existenciais, medos infantís ou ligador ao terror político e de dimensións éticas.

Recuperamos con Alba Cid un libro dos últimos meses: 'Ontoloxía poética de Carlos Santiago', editado da man do escritor Carlos Meixide. É unha ontoloxía, máis ca unha antoloxía, “un exorcismo” de textos como anuncia o prólogo, pero en todo caso é un volume recompilatorio da creación poética de Carlos Santiago, nome filiado fundamentalmente ás artes do espectáculo, cunha longa traxectoria escénica e sen deixar de facer pé na escrita, como poeta e dramaturgo.

A revista Dorna chega aos 44 números co subtítulo de ‘Expresión poética galega’. Alba Cid, que forma parte do seu consello de redacción, cóntanos a historia desta revista, que desde os anos 80 recolle o máis novo da poesía galega, con constantes conversas entre as novas xeracións e as xa consolidadas. ‘Dorna’ nace en maio do ano 1981 grazas á iniciativa da Asociación Cultural Dorna, da Illa de Arousa, e a partir do segundo número da publicación, pasa a mans da Cátedra de Filoloxía Galega da USC. Hoxe publícase en coedición entre o Servizo de Publicacións das USC e a Secretaría Xeral de Política Lingüística.

Alba Cid comenta ‘O outro lado da música, a poesía’, de Luisa Villalta, que vén de recuperar a editoral Galaxia. Publicado orixinalmente en A Nosa Terra, neste ensaio Villalta traza a relación entre ambas artes, música e poesía, na historia da literatura galega.

Imos ata a colección Elba de Chan da Pólvora editora, onde aparece o Premio de Poesía Eusebio Lorenzo Baleirón 2020, que recaeu en quico polo poemario ‘URDA’. Alba Cid revisa a traxectoria deste premio en homenaxe ao poeta de Dodro e tamén do propio quico como libreiro e axitador cultural á fronte de Chan da pólvora.

Aparece en Rodolfo e Priscila, unha editora nova que saudamos hai apenas uns meses, a tradución dun libro breve pero referencial de Lawrence Ferlinghetti con tradución de Daniel Salgado, ‘A poesía como arte insurxente’. Del fálanos Alba Cid.

Aparece en Apiario un novo poemario de Manuel Rivas, un xénero que o autor nunca abandonou, pero ao que non volvera desde o 2015 con aquel ‘A boca da terra’. Agora volve con ‘O que fica fóra’, da colección Cera Labrada, un poemario que une palabra e caligrafía, procedemento que nos leva directamente á poesía de Uxio Novoneyra. ‘O que fica fóra’ ten algo de navegación persoal para estes tempos de deriva, analiza o presente incerto, recolle a voz do que está en perigo. Alba Cid comenta na súa última colaboración de 2021 este regreso de Manuel Rivas á poesía.

“As máis novas voces, as novísimas, que se achegan ao xénero estrela da literatura galega desde os seus inicios”. Estas voces están reunidas na antoloxía ’21 poetas do século XXI’, coordinada por Carlos da Aira, de Aira editorial. Comenta Alba Cid

Alba Cid preséntanos unha novidade de Apiario: ‘Darbo’, de Pablo Otero, é un réquiem delicado e velado que observa as modulacións da luz. A chegada de Pablo á poesía “para adultos”, que nos remite a unha escenografía mínima e humilde, con gran protagonismo do mar. Unha lectura entre o terrenal e o onírico.

Que son o Colectivo Maiakovski? A produción poética por parte de colectivos é xa recorrente en todo o mundo. En Galicia son de sobre coñecidos Rompente; e agora chega o Colectivo Maiakovski con este volume, 'Intimidación', publicado por Xerais e do que dá conta Alba Cid.

Oriana Méndez, coa súa obra 'O corazón pronúnciase extenso', gañou o V Premio de Poesía Rosalía de Castro do Concello de Padrón. É unha nova lectura que recupera Alba Cid.

Alba Cid, na súa colaboración de poesía, comenta unha novidade en tradución ao galego: ‘Lume branco’, poemas de Antonia Pozzi, nunha escolma e tradución de Lara Dopazo para Rinoceronte.

Polo Día das Escritoras, Alba Cid mergúllanos en ‘Notas sobre a extinción’, o poemario de Marta Dacosta. “Versos que nos convidan a deternos, a reparar nas belezas pequenas. Dacosta insiste na contemplación da paisaxe a través das palabras.”