Na nosa colaboración de Medio Ambiente, Xiana Albor dános a coñecer o caso de Gerardo Lázara, fundador de Celtic Hemp Deza e produtor de cánabo. Con eles falamos desoutras alternativas posibles para aproveitar de forma sostible o noso agro ao tempo que se dinamiza o medio rural.
Vivir nunha cidade supón que tes un 40 % máis de posibilidades de caer nunha depresión. Estrés, ruído, e un ritmo de vida acelerado remata por afectar a nosa saúde mental. A nosa colaboradora de Medio Ambiente, Xiana Albor, preséntanos hoxe a Natalia Ruiz de Cortázar e a terapia na natureza.
Aínda que o máis importante da loita contra os incendios é a prevención, non é suficiente. Da man da nosa colaboradora de medio ambiente, Xiana Albor, coñecemos o día a día dos axentes forestais galegos. É o caso de Paula e Sebastián, que traballan no Distrito Forestal XVI, con centro en Lalín. Reclaman unha maior concienciación a nivel social e administrativo, así como rematar coa precariedade que sofren os profesionais do sector.
A etoloxía é a ciencia que estuda o comportamento animal, a súa evolución e adaptación ao medio. Da man de Xiana Albor falamos de como a etoloxía pode ser aplicada á consevación. Ademais conversamos con Xiana Costas. É unha veterinaria etóloga, especializada no comportamento e benestar de cans e gatos. Deu consellos de como tratar as mascotas.
É a quenda dos lobos, uns descoñecidos produto de grandes medos nos seres humanos, pero que tamén teñen beneficios.
Ano tras ano, ao final do verán é habitual que pasen polas costas galegas candorcas. No 2017 facíase viral o video dos mariñeiros do Romina. Avistaran candorcas na ría de Muros. Analizamos o paso chamativo este ano das candorcas pola costa. Da man da colaboradora Xiana Albor conversamos con Alfredo López, biólogo da Coordinadora para o Estudo de Mamíferos Mariños (CEMMA).
Os servizos de Salvamento Marítimo coñecémolos esencialmente por tratar de salvar vidas. Pero dende os avións tamén vixían mares para previr e loitar contra a contaminación mariña. O principal perigo nestes momentos son os plásticos. Como detectalos dende o aire? Da man de Xiana Albor conversamos con Berta Blanco, técnica superior do Servizo de Inspección Aérea de Salvamento Marítimo.
En Galicia temos a tartaruga terrestre coñecida como sapoconcho. Trátase dunha especie común europea que habita en lagoas, pozas ou gándaras. A colaboradora Xiana Albor fálanos das características principais deste animal. Algúns dos sitios onde habita poder ser no Río Arnoia en Ribadavia ou nas Gándaras de Budiño en Pontevedra. Conversamos tamén con César Ayres, coordinador galego da Asociación Herpetolóxica Española e autor de numerosas publicacións. "Hai moitos erros que provocan esta situación. Un amigo meu di que parece que nós temos que buscar os sapoconchos arredor dos polígonos", afirma.
As algas poden ser un exemplo da chamada economía azul. Aquela que emprega recursos mariños dun xeito posible. Falamos de dous exemplos de empresas de biotecnoloxía mariñas galegas e baseadas nas algas como materia prima. Da man da colaboradora Xiana Albor conversamos con Fermín Fernández, xerente de Algamar, e con Jorge Sineiro, socio na spin-off Celtalga Extract.
No espazo de divulgación sobre o medio ambiente con Xiana Albor, falamos da importancia dos morcegos. É o grupo de mamíferos do que máis especies hai en Galicia, aínda que igual teñan unha visión diferente por parte da xente. Conversamos con Roberto Hermida, doutor en biloxía e membro de Morcegos Galicia.
Coa nosa colaboradora Xiana Albor dedicámoslle un segundo capítulo á migración das aves. Desta volta cunha ollada dende Galicia da man do ornitólogo Antonio Sandoval. "Se non protexemos as aves, tampouco nos protexemos a nós. Hai que traballar un equilibrio da nosa natureza", apunta.
Todos os mércores Xiana Albor trata aspectos relacionados co medio ambiente. Desta volta falamos da chegada do cuco, cunha gran pegada na tradición galega. Proba diso son os refráns aos que se lle fai referencia. Espantamos malos agoiros e descubirmos as curiosidades desta ave migratoria.
A diferenza entre fungos e cogomelos ou o valor das microrrizas foron algúns dos temas. Acompañounos na conversa Catalina Fernández, directora de Hifas da Terra. Ademais, con Adriana Rey coñecemos o proxecto medioambiental do colexio en que é directora, A Escardia, en Vilagarcía. Elaboran caixas para os bolígrafos que se gastan.
UNHA COMA EN APUROS
POEMA DA ROUPA
Ó RAMA DA OLIVEIRA
NON HAI BERCE COMA O COLO
MAMÁ GATIÑA (VERSIÓN KARAOKE)
MAMÁ GATIÑA
MAMÁ CABRA
CREMA DE VERDURAS
CREMA DE CABAZA
-optimized.webp)
-optimized.webp)
-optimized.webp)
-optimized.webp)
O distrito de Aveiro en canto ao turismo parece que vive dos resto que lle deixa o Porto. Con todo é unha das provincias portuguesas con maiores atractivos. Neste capítulo de "Pasarse da raia" visitamos o distrito da auga e coñecemos de preto unha das construcións máis importantes do Porto: as casas dos burgueses e como deron en crear unha das figuras urbanísticas máis terribles, as ilhas. Todo acompañado da música de "Os azeitonas". Vamos lá!
Tes unha idea emprendedora pero non sabes como arrincar? Gustaríache montar unha startup pero cóstache dar o paso? Estrenamos o primeiro podcast de emprendemento en galego no que entrevistaremos a persoas ligadas á comunidade emprendedora galega e falaremos de éxitos e tamén de fracasos da man de Víctor Fariña e Startup Galicia
Como facemos para darlle vida ás nosas ideas? Hoxe falaremos con David Conde, CEO e cofundador de Coinscrap, que ademáis de ter ideas, levounas a cabo de xeito exitoso. David é biólogo de formación cunha longa traxectoria en banca privada, sector no que desenvolve as súas iniciativas emprendedoras aplicando tecnoloxía, o que se coñece como "fintech”.
Baixo o concepto de marketing se agochan todas as estratexias dunha compañía para levar os seus produtos e servizos ao mercado. Nesta edición do podcast de Startup Galicia entrevistamos a Dani Cerqueiro, CMO de DOCUTEN ligado ao emprendemento e ao marketing dixital dende fai máis de 18 anos. Con el debatiremos sobre como coñecer aos teus clientes, que canles de distribución poden ser as apropiadas para chegar a eles e da importancia dos contidos nesta era de sobreinformación.
Sen financiamento dalgún tipo é moi difícil sacar adiante un proxecto emprendedor. Neste novo capítulo do podcast de Startup Galicia falaremos dunha das vías de financiamento privadas máis mediáticas: o capital risco. Para iso, contaremos coa colaboración do investidor compostelán Jaime Novoa, membro do fondo de capital risco K-Fund.
Neste capítulo do podcast de Startup Galicia falaremos de como facer powerpoints bonitiños que nos axuden a convencer aos investidores para que financien a nosa startup. Contaremos co compostelán Dani Seijo, emprendedor en serie cunha longa traxectoria montando proxectos como Diariomotor, Civeta Investment ou Fuell. Con Dani falaremos da importancia do equipo, das métricas que temos que manexar ou das estratexias a seguir para namorar aos investidores.
Daquela, cando Galicia e Portugal non compartían rúas e o troco era unha moeda tan forte coma escudo, as realidades das que agora son eurocidades eran moi diferentes entre elas. Unha das diferenzas radica no xeito tan desigual que tiñan de vivir o contrabando. Despois de escoitar falar do orgullo do contrabandista de Feces, Marcial Gayoso e Antonio Fonterosa, de 86 anos os dous, acompáñannos da man cruzando o Miño para achegarnos como se vivía en Amorín, concello de Tomiño, nunha época na que, como din eles, nin as galiñas poñían ovos.
Unha parella de espías rusos vive camuflada na sociedade norteamericana. Unha familia idílica formada por un matrimonio con dous fillos. Durante anos ocultaron a súa verdadeira identidade e enganaron a todo o mundo, incluídos os seus propios fillos.