Estudio 3 rebusca nos seus documentos e desclasfica un concerto de Eladio y Los Seres queridos, unha banda viguesa que xa ten 16 anos de vida. Escoita en exclusiva esta gravación realizada no Estudio 5 da Radio Galega en produción propia.
O falecemento de Gelo, baterista de Los Suaves durante anos, colleu por sorpresa o mundo da música. Estudio 3 Desclasificados quixo facerlle unha homenaxe e publica en aberto a parte final dun concerto da súa xira '¿Hay alguien ahí?' (1994-1995).
Tras a disolución da mítica banda Siniestro Total, Estudio 3 remexeu nos seus arquivos e desclasificou a gravación dun concerto no ano 2000. Escoita en exclusiva como soaba este grupo galego que fixo historia no rock.
Escoita en exclusiva o concerto de Morgan no Son do Camiño do 2018 grazas aos arquivos desclasificados de Estudio 3. A banda, coa espectacular voz de Nina á fronte, non fai máis ca medrar.
Estudio 3 gravou o derradeiro concerto de Pau Donés en Galicia e agora comparte ese material exclusivo. A Sala Capitol (Santiago) foi o lugar no que o público gozou de Jarabe de Palo, a banda dun artista que marchou demasiado cedo.
Estudio 3 desclasifica o concerto de Meat Loaf co gallo do recente falecemento deste rockeiro estadounidense. Escoita en exclusiva un anaco do seu directo na xira 3 Bats.
Poñemos o oído no directo dunha banda orixinaria de Glasgow, un dos grupos máis poderosos do panorama indierock. Desta volta, en Estudio 3 Desclasificados, escoitamos en exclusiva parte dun concerto de Franz Ferdinand en Santiago.
O derradeiro concerto de Tequila, unha das mellores bandas de rock en castelán, foi en Galicia. Ariel Rot, Alejo Stivel e compañía tocaron na Festa do Queixo de Arzúa no 2020, unha actuación que contaba ser a penúltima se non fose pola pandemia que botou abaixo os plans. Así, neste capítulo dos Documentos Sonoros Desclasificados de Estudio 3, desfrutamos da despedida de Tequila.
Desclasificamos o arquivo sonoro do concerto que deu Jairo Zavala na Sala Capitol de Compostela no ano 2019. Así soaba este músico, máis coñecido (e ben coñecido) como Depedro.
Escoitamos o directo da mítica banda española Los Ilegales nunha nova entrega dos concertos exclusivos e desclasificados de Estudio 3. Xusto un mes antes do confinamento do 2020, este grupo agasallábanos esta grande actuación en Arzúa.
Escoitamos en exclusiva o potente directo de Novedades Carminha nun concerto en Arzúa no ano 2020. Aí vai unha proba musical deste cuarteto con historia: dunha tenda de lencería lexendaria en Santiago a un grupo de rock fundamental e divertido.
Neste primeiro concerto exclusivo, escoitamos o neoyorquino Lenny Kravitz en Santiago de Compostela no 2018. Velaquí o primeiro bocado da súa actuación.
-optimized.webp)
-optimized.webp)
-optimized.webp)
-optimized.webp)
Gary D. Davis pasou á historia co alcume do Reverendo. Non en van, está considerado un dos puntais do gospel blues e un dos artistas que mellor aproveitaron o revival tradicionalista de comezos dos anos 60. Davis tiña todo o necesario: boa voz, boa técnica coa guitarra e unha soberbia actitude interpretativa. No episodio de hoxe a dose galega de blues corre a cargo do ourensán MCarballo, nome artístico do músico e debuxante Manuel Carballo.
No programa de hoxe escoitamos varias duplas, a Rozalén e Tanxugueiras, Nastasia Zürcher e Guadi, Ortiga e Pili Pampín, Mark dos Santos e Andrés Boutureira... e viaxamos a Portugal da man de Luisa Sobral ou a Brazil da de Michele Leal. Atrevémonos ao vivo co Milho Verde do Zeca.
Neste programa ofrecemos unha variada escolma de propostas musicais galegas de raíz.
A historia do blues non sería a mesma sen Eric Patrick Clapton. Curtido en bandas como os Yardbirds ou os Bluesbreakers de John Mayall antes de formar os míticos Cream para despois triunfar tamén como solista, Clapton segue en activo aos seus case 80 anos. É un dos grandes nomes da historia do rock británico, pero a diferenza doutros compatriotas de renome, o seu sustrato artístico sempre foi o blues. Ademais de repasar a súa relación coi xénero que nos ocupa, escoitamos o coruñés Luis Moro.
Blind Lemon Jefferson é unha das figuras máis relevantes da Historia do blues. Foi o primeiro intérprete masculino do xénero que acadou o éxito comercial masivo, nunha época, a década dos anos 20 do século pasado, en que as que máis discos vendían eran mulleres como Bessie Smith, Ma Rainey ou Ida Cox. A diferencia delas, Jefferson compuxo boa parte dos temas cos que triunfou. No programa de hoxe tamén escoitaremos un interesante cantante e acordeonista vigués de espírito errante, Joe Barnara.
Slim Harpo é seguramente o maior expoñente do que deu chamarse swamp blues ou blues do pantano, o que agromou nalgunhas das zonas máis inhóspitas de Louisiana. Devoto de Jimmy Reed e da súa economía de medios en busca dunha maior efectividade, Harpo soubo incorporar elementos do zydeco ou do cajun entre outros estilos. A súa é unha proposta repousada, elegante e de escoita doada, que tivo un notable éxito comercial. Tamén teremos tempo de escoitar o blues en galego de Brais das Hortas...
Lead Belly foi un tipo duro que pasou moitos anos no cárcere antes de ser descuberto como artista. Pero non é menos certo que era tamén un cantante e guitarrista talentoso, que sabía de memoria centos de cancións. Lead Belly pode considerarse un bluesman metido a folksinger ou á inversa. El é o protagonista nunha nova entrega da Lista Negra en que tamén soan os coruñeses Doctor Snob...
A Lista Negra chega ao medio cento de programas. 50 horas, 3.000 minutos dedicados ao blues. E para celebralo repasamos a intensa traxectoria dun dos mellores guitarristas de todos os tempos, o irrepetible Stevie Ray Vaughan. Responsable do rexurdimento do Texas blues, Stevie viviu ao límite, morreu novo e deixou un oco que ninguén poderá encher xamais. Como sempre, escoitaremos tamén o achegamento á música máis honesta que existe dun grupo galego, desta volta os pontevedreses Gold & Colt.