Beli Martínez debulla a programación de fin de semana do festival Novos Cinemas, cuxa sexta edición está desenvolvéndose en Pontevedra. Destaca o foco dedicado á cineasta María Pérez Sanz, a sección ‘Por primeira e última vez’ e mais a película de clausura, Espíritu Sagrado, de Chema García Ibarra.
Beli Martínez convídanos a ver algúns dos filmes galegos que chegan aos cines esta fin de semana: a longametraxe de animación Valentina, dirixida por Chelo Loureiro, o documental Tierra de leche y miel, sobre as feridas que a guerra e ¿Qué hicimos mal?, dirixida por Liliana Torres e con Xulio Abonjo no elenco.
Beli Martínez e Ángel Suanzes repasan os filmes galegos que se proxectan nos próximos días no festival internacional de Xixón.
Beli Martínez comenta algúns dos filmes que podemos ver nestes días no festival santiagués Cineuropa: Diarios de Otsoga do portugués Miguel Gomes e Maureen Fazendeiro, A Chiara, de Jonas Carpignano e Malencolía, a última película de Alfonso Zarauza
Beli Martínez tráenos na súa colaboración desta semana o congreso Small cinemas que se celebrou onte e hoxe en Santiago, na Facultade de Comunicación. O congreso que leva como subtítulo “Do celuloide ao streaming: conservación e circulación dos pequenos cinemas”. Esta 12ª edición da Small Cinemas Conference (organizada polo Grupo de Estudos Audiovisuais e celebrada por primeira vez en Galicia) reúne a participantes de máis de 20 universidades e outras institucións para tratar cuestións como o impacto do streaming nos pequenos cinemas, o papel do circuíto de festivais no posicionamento destes, a efectividade das políticas públicas para promovelos ou as posibilidades dos arquivos institucionais e comunitarios para conservar este cinema, con achegas que analizan casos de cinematografías como a galega, a polaca, a vasca ou a chilena, en moitos casos marcadas pola presenza de linguas minorizadas.
O cinema galego non para e a nosa colaboradora do audiovisual, Beli Martínez, vén dar fe disto unha semana máis, comezando pola Semana Internacional de Cine de Valladolid.
A nosa galardoada colaboradora Beli Martínez repasa connosco as últimas novas do mundo audiovisual galego centrándose na muller e no rural galego e no cine documental.
Beli Martínez fálanos do documental Clown’s Planet de Héctor Carré e repasa a programación do Galician Freaky Film Festival.
Xa pode verse nas salas de cine ‘Negro Púrpura‘, un filme de sobre o fungo alucinóxeno do centeo, rodado por Sabela Iglesias e Adriana Villanueva, de Illa Bufarda. Beli Martínez repasa a historia desta produtora que traballa sobre todo no campo do documental e a animación.
Ángel Suanzes e Beli Martínez debullan desde Donostia esta 69ª edición do certame e a participación do cinegalego. O filme ‘Eles transportan a morte‘ e o documental ‘No somos nada‘ inauguran as seccións nas que se proxectan.
Beli Martínez fálanos do paso do cine galego polo festival de Venecia e do FIC Bueu, o festival internacional de curtametraxes que se desenvolve entre no Morrazo ata o 19 de setembro.
A oferta do Festival de Cans é infinda e, con Beli Martínez, a nosa colaboradora experta no audiovisual, falamos dalgunha das súas escollas.
Beli Martínez avánzanos a avalancha de festivais de cine do mes de setembro. Na Mostra de Venecia proxectaranse dous filmes galegos: 'Eles transportan a morte' e 'Tres'.
Beli Martínez fala da relación entre fotografía e cinema a través de documentais que retratan a fotógrafos e amosan a súa forma de entender o seu traballo: José Gil, fotógrafo e pioneiro do cine, de Miguel A. Romero; Virxilio Viéitez, más allá del oficio, de José Luis López Linares ou Alberto García-Alix. La línea de sombra, de Nico Combarro.
Beli Martínez escolma películas galegas recentes que se desenvolven durante o verán, como ‘Pradolongo’, ‘A estación violenta’, ‘As altas presións’ ou ‘Live is life’.
Fanse 20 anos da película galega 'O bosque animado', filme de animación producido por Dygrafilms e dirixido por Manolo Gómez e Ángel de la Cruz, que conseguira dous premios Goya.
A nosa colaboradora do audiovisual, Beli Martínez, tráenos filmes como “A Penumbra”, que se estreará neste festival.
Comentamos a atmosfera do Festival de Cannes con Beli Martínez, in situ, que aproveita tamén para falarnos dos premios Mari Luz Morales.
Beli Martínez tráenos, como cada semana, as mellores recomendacións cinematográficas, encabezadas nesta ocasión pola curta ‘Sycorax’, do director galego Lois Patiño, que estará no Festival de Cannes e de cuxa produción participa a propia Beli.
Beli Martínez fálanos de proxectos audiovisuais relacionados cos Tesouros Humanos Vivos.
Beli Martínez fálanos sobre o festival de cine escolar Olloboi, que se celebra en Boiro.
Beli Martínez fálanos sobre a presenza galega no festival de Málaga, xusto no arrinque da edición 2021.
No inicio do S8, a Mostra de Cinema Periférico da Coruña 2021, quen mellor que Beli Martínez para falarnos sobre o tema!
Beli Martínez fálanos de ‘Clac’, o novo formato da Televisión de Galicia sobre cine presentado e dirixido por Tania Fernández Lombao.
Beli Martínez fálanos sobre o cine en Santiago de Compostela. Oferta ampla e diversa forxan unha relación próspera
Beli Martínez reflexiona sobre a importancia dos cineclubes no audiovisual galego.
A non ficción é importante para o cinema galego. Beli Martínez fálanos da ‘Comuñón da miña prima Andrea’, de Brandan Cerviño. Tamén de ‘Un cielo tan turbio’, a nova obra de Álvaro F. Pulpeiro.
Beli Martínez achéganos unha semana máis ás principais novedades cinematográficas, ao tempo que exploramos os vínculos entre cinema e educación
Beli Martínez fálanos sobre os Mestre Mateo, a festa do audiovisual galego, que se celebrará mañá 10 de abril dende as 18:00.
Beli Martínez fálanos sobre a obra de Margarita Ledo, directora de Nación.
Beli Martínez fala sobre a relación entre fotografía e cinema.
Un día antes do comezo dos premios Goya 2021, Beli Martínez non perde ocasión de falarnos destes galardóns. Cal é o teu filme favorito?
-optimized.webp)
-optimized.webp)
-optimized.webp)
-optimized.webp)
Hai que animarse un pouco. Imos xogar, veña. Rober trouxo varias lendas galegas non moi coñecidas e Paula, Germán e mais Ángel teñen que adiviñar de que localidade proceden. Non é nada fácil, eh. Pero non todo é xogar, tamén hai tempo para que os protagonistas sexan persoas moito máis interesantes ca nós. Por exemplo Ariadna Cordal, a convidada que trouxo ao Zeta Jesús Silva para falar dun ámbito moi pouco abordado e recoñecido: a investigación no eido audiovisual. O toque musical vén da man da nosa Celia Eiras. Bueno máis coincretamente do artistazo que convidou a pasarse polo programa: Maiko Leinad. Con el descubrimos a orixe do seu nome artístico e unha chea de cousas sobre o seu proceso creativo.
Comezamos forte o ano. Nestes tempos de agasallos, que hai máis bonito que unha boa xoia artesanal? Váinolo explicar Sofía Rivas, que coas súas mans crea verdadeiras marabillas. Sabemos de verdade todo o choio que leva facelas? Non é tan doado eh. Tampouco o é impulsar proxectos que se movan entre a investigación académica e a produción artística como o fai Nerea Cordeiro, a artista que nos trae nesta ocasión a nosa colaboradora Sara Donoso. E con Ana Abad bailamos. Bueno, bailar, bailar non. Pero falamos cunha bailarina e pedagoga de flamenco afincada en terras galegas: Ainhoa Linaza.
Como veñen de ser premiados e premiadas as gañadoras dos Xuventude Crea do 2023, quixemos traer a María Alborés, galardoada na especialidade de moda; e Pedro Rodríguez no eido literario coa novela curta ‘Alén da Néboa’. Mentres, Jesús Silva tráenos a experiencia de tres participantes no Novos Cinemas de Pontevedra; e Celia Eiras fainos un repaso por diversas panxoliñas galegas.
Escoitamos moita música, si. Pero de seguro que reparades menos do preciso en quen a mistura, nos produtores. Ademais, a música é especialmente relevante nas pezas audiovisuais para ambientar e transmitir. Así que hoxe no Diario Cultural Zeta falamos con Sebastian Black, produtor e Luis Álvarez, compositor de bandas sonoras. Sara Donoso, ademais, traeranos a Olaia Sendón e o seu proxecto fotográfico ‘Perpetuando’; e Sica Romero ao escritor Pablo Rañales, que vén de publicar ‘Os afogados’.
Se algo nos gusta neste programa é que nos expliquen e nos fagan entender mellor todo o que envolve ás diferentes disciplinas artísticas. Por iso a visita que nos fixo a fotógrafa e artista audiovisual Dan Grigore deixounos extasiados. Conectamos co proceso de creación dunhas imaxes impactantes e coñecemos de preto aspectos tan abstractos como “espir a alma”. Nesta “éxtase cultural” continuamos coas nosas colaboradoras Celia Eiras e Ana Abad de Larriva. A primeira dálle a volta á tortilla para afondar na crítica musical a través de voz de varios artistas que xa pasaron polo Zeta. Pola súa parte, Ana falou coa artista Constance Hurlé sobre a situación das artes escénicas en Galicia de cara á creación.
Cremos que por todas as veces que puxemos os temazos de De Ninghures podedes supoñer que nos fascinan. Efectiviwonder. Así que non sabedes a ilusión que nos fai que tres dos seus compoñentes estean no plató do Zeta para contarnos das súas orixes e sobre as curiosidades do videoclip que sacaron de Morena. O programa non baixa o nivel en ningún momento porque tamén está con nós María Suárez para reivindicar o seu labor como tradutora audiovisual a galego (non lle pidades avances de series ou pelis, é top secret). Ademais, deixamos espazo tamén para falar de natureza e paisaxe a través da fotografía, da man de David Torrado, cunha historia ben curiosa.
Tiveron que pasar máis dunha ducia de programas para que descubriramos a eurofán que Paula leva dentro. Nesta fantasía de episodio Rober, Amara e Germán teñen que adiviñar a lingua minoritaria (ou minorizada) na que están escritas as cancións eurovisivas que Paula vai soltando. Hai un claro campión. Noutra orde de cousas temos unha visita de luxo: a autora Antía Yáñez vén con Sica para falar, entre outras moitas cousas, de como é a vida dunha escritora millenial como ela. Poñemos o colofón con Iván Márquez, que nos conta como é traballar nun espectáculo de teatro musical como o de Peppa Pig.
Paula e Rober han de seguir pensando que a súa infancia lle importa a alguén. Traen neste programa unha canción cada un que lles transporta a eses momentos felices, sen responsabilidades, sen preocupacións… O conto cambiou e este tipo de cancións tamén. Que pasa se as comparamos coas de agora? Este é un programa moi chulo porque visitan o plató compañeiros da Facultade de Ciencias da Comunicación da USC para contarnos todos os detalles, os preparativos e o estrés previo ao FacomFest, o festival audiovisual que realizan os alumnos do centro. Todo coa presenza do noso queridísimo colaborador Jesús Silva. Como tamén queremos á nosa Sara Donoso, e máis se nos trae a xente tan fascinante como Lois Búa, que nos mete de cheo na arte da creación co propio corpo.